नासाको आश्चर्यजनक रिपोर्ट :’७० प्रतिशत विमान दुर्घटना भाषाका कारण’

बीबीसी । सोमबार त्रिभुवन विमानस्थलमा ल्याण्डिङका क्रममा भएको विमान दुर्घटनामा ४९ जनाले ज्यान गुमाएका छन्।

banner

विमान दुर्घटनाको ठोस कारण भने अहिलेसम्म पत्ता लाग्न सकेको छैन्। तर युएस बंगला एयरलाइन्सको विमान दुर्घटना पायलट र एयर ट्राफिक कन्ट्रोलबीच सुचना सही ढंगबाट आदान प्रदान नहुँदा भएको बताइएको छ। पायलटलाई गलत दिशाबाट रनवे गर्न निर्देशन दिएका कारण विमान दुर्घटना भएको युएस बंगलाका सीइओ इमरानले दाबी गरेका छन्। तर अहिलेसम्म ब्ल्याक बक्समा यस्तो जानकारी पाइएको छैन्।

उड्डयन क्षेत्रमा यो पहिलो विषय हैन्, जब एटीसी र पायलटबीच सुचना आदान प्रदानमा कमी भएका कारण विमान दुर्घटना भएको। यस्तै एक घटनाका बारेमा एयर इण्डियाका क्याप्टेन महेश गुलबानीले बीबीसीसँग कुरा गर्दै भने, एक पटकको घटना हो, हामीले चिनियाँ एयरस्पेसमा करीब ३८ देखि ४० हजार फुटको उचाइमा उडान गरिरहेका थियौँ, र हामीलाई तल आउनु थियो। हामीले एयर कन्ट्रोलसँग निवेदन गरौँ, हामीलाई एकदमै झट्का लागिरहेको छ, हामीलाई थोरै तल आउन दिइयोस्।

उनले फेरी घटना सुनाउँदै गए, कन्ट्रोल रुमको जवाफ थियो, लेबललाई सन्तुलन राखिराख्नुहोस्। उनले हामीलाई तल आउन दिइएन्। उनले हामीसँग अंग्रेजीमा कुरा गर्न सकेनन्। हामीले कन्ट्रोल रुमसँग प्रश्न गरौँ किन तल आउन सकिदैन्। उक्त प्रश्नको पनि जवाफ आएन र उनले फेरि भने, प्लिज मेन्टेन लेवन।

उनले भने, हामीले इमरजेन्सी फोन गरेर भनौँ हामी उचाइमा छौँ, तल आउन गाह्रो भइरहेको छ भन्दा पनि उनले हाम्रो आग्रहलाई बुझन सकेनन्। किनकी उनी अंग्रेजी एक दुई शब्द भन्दा राम्रोसँग बोल्न सकिरहेका थिएनन्।

पाइलट गुलबानीले भने, अंग्रेजीको समस्या प्राय: धेरै ठाउँमा देख्न पाइन्छ। उनीहरुको उच्चारण असुद्ध हुन्छ, उनीहरुले कतार एयरलाइन्सलाई कताल एयरलाइन्स भन्ने समेत गर्छन्।

१९९६ मा दिल्लीमा विमान दुर्घटनाबाट ३१२ जनाको ज्यान गएको थियो। यसको कारण पनि यस्तै थियो।

यो दुर्घटना नयाँ दिल्लीको विमान स्थलमा ल्याण्ड गर्नु भन्दा पहिलै सोवियत एयरलाइन्स र साउदी अरबको विमान एक आपसमा ठोक्किएका थिए। यस घटनाको छानविनका क्रममा सोवियत विमानले गरेको कुराकानी दिल्ली एयरपोर्टको एयर ट्राफिक कन्ट्रोलले बुझन नसक्दा दुर्घटना भएको खुलेको थियो।

भारतीय एयरपोर्ट प्राधिकरणले राम्रोसँग अंग्रेजी बोल्न सक्ने र बुझन सक्ने सक्षम एयरलाइन्स ‘क्रु’ को परिचान गर्न जाँच समितिले आफ्नो रिर्पोटमा उल्लेख गरेको थियो।

अमेरिकी स्पेस एजेन्सी नासाको रिपोर्ट

अमेरिकी स्पेस एजेन्सी नासाले विमान दुर्घटनाका बारेमा सन् १०८१ मा आफ्नो एक रिर्पोट पेस गरेको थियो। यस रिर्पोटमा नासाका एविएशन सेफ्टी रिर्पोट सिस्टममा पाँच वर्षभित्र हवाई यात्राका समस्याका २८ हजार मुद्दा दर्ता गराइएका थिए।

नासाले यस मुद्दाका बारेमा अध्ययन गर्दा २८ हजार समस्यामा ७० प्रतिशत विमान दुर्घटना सुचना आदान प्रदानको कमजोरीका कारण हुने गरेको पाइएको थियो।

विमान र कन्ट्रोलरबीचको कुराकानीमा धेरै पटक देखिएको छ की, दुबै पक्ष आफ्नै क्षेत्रीय भाषामा बोल्न सुरु गर्दिने गरेका छन्। मातृ भाषाको उच्चारणको समस्याका कारण अंग्रेजी भाषाको ‘TWO’ शब्दलाई ‘TO’ सम्झने गरिन्छ। यस्तो अंग्रेजी बोल्ने पायलट वा कन्ट्रोलरलाई आफ्नो कुरा बुझाउन र बुझन समस्या हुने गर्दछ।

Similiar Post